29.03.2024, Juma

Kóp kvartiralı turaq jaylardı basqarıw tarawın elede rawajlandırıw boyınsha kórgizbeli ámeliy seminar shólkemlestirildi

Qaraqalpaqstan Respublikası Qurılıs hám úy-jay kommunal xojalıǵı ministrligi baslaması menen búgin Nókis qalası «Gúlzar» MPJ aymaǵında jaylasqan kóp kvartiralı turaq jaylarǵa xızmet kórsetiwshi “NUKUS KOMMUNAL SERVIS” basqarıw shólkeminde kóp kvartiralı turaq jaylardı basqarıw tarawın ele de rawajlandırıw, basqarıw servis kompaniyalarınıń jumısların nátiyjeli jolǵa qoyıw, kóp kvartiralı turaq jay fondın saqlaw máselelelrine baǵıshlanǵan kórgizbeli ámeliy seminar bolıp ótti.


Seminarǵa Qaraqalpaqstan Respublikası Joqarǵı Keńesiniń Juwaplı xızmetkeri O.Nurimbetov, Qaraqalpaqstan Respublikası Qurılıs hám úy-jay kommunal xojalıǵı ministri A.Kurbanbaev, ministrlik xızmetkerleri, Qaraqalpaqstan Respublikası Ayrıqsha jaǵdaylar basqarması, Aymaqlıq gáz támiynatı, ıssılıq támiynatı kárxanalarınıń tiyisli qánigeleri, respublikadaǵı kóp kvartiralı turaq jaylardı basqarıw organları baslıqları hám xızmetkerler, tiyisli taraw qánigeleri, ǵalaba xabar quralları wákilleri hám de keń jámiyetshilik qatnastı.



Kórgizbeli seminarda tiykarınan Nókis qalasındaǵı kóp kvartiralı turaq jaylarǵa xızmet kórsetiwshi basqarıw servis kompaniyaları tárepinen ámelge asırılıp atırǵan jumıslar, tarawda engizilip atırǵan reformalar, zamanagóy texnologiyalardan paydanǵan halda turaq jay fondın saqlaw hám olarǵa xızmet kórsetiw, sonday-aq, kóp kvartiralı turaq jaylarda ayrıqsha jaǵdaylardıń aldın alıw, energiya tejewshi texnologiyalardan paydalanıwdı jolǵa qoyıw máselelerine ayrıqsha toqtalıp ótildi. 



Sonıń menen birge, kóp kvartiralı turaq jaylarda ıssılıq energiyasınan únemli paydalanıw, oraylasqan ıssılıq sisteması hám eki konturlı jılıtıw qazanlarınıń abzallıqları, kóp kvartiralı turaq jaylarǵa quyash panelarin ornatıw arqalı elektr energiyasın tejew, olardıń effektivligi, texnik múmkinshilikleri boyınsha tiyisli qánigeler óz ónimleri menen qatnasıp, esap-kitaplarǵa tiykarlanǵan sheshimlerdi seminar qatnasıwshıları menen bólisti.Sonıń menen birge, kóp kvartiralı turaq jaylarda ıssılıq energiyasınan únemli paydalanıw, oraylasqan ıssılıq sisteması hám eki konturlı jılıtıw qazanlarınıń abzallıqları, kóp kvartiralı turaq jaylarǵa quyash panelarin ornatıw arqalı elektr energiyasın tejew, olardıń effektivligi, texnik múmkinshilikleri boyınsha tiyisli qánigeler óz ónimleri menen qatnasıp, esap-kitaplarǵa tiykarlanǵan sheshimlerdi seminar qatnasıwshıları menen bólisti.


Seminar dawamında qatnasıwshılar “NUKUS KOMMUNAL SERVIS” basqarıw shólkemi tárepinen jolǵa qoyılǵan xızmetler, islengen jumıslar, kóp kvartiralı turaq jaylar turǵınlarına, sonday-aq, jumısshı xızmetkerlerge jaratılǵan shárayatlar, basqarıw shólkeminiń material-texnik bazası menen keńnen tanıstı hámde óz-ara tájriybe almastı.


Bunday tájriybe almasıw hám birge islesiwler keleshekte tarawdıń ele de rawajlanıwına xızmet qıları sózsiz.