29.03.2024, Juma

Deputatlar xalıq mashqalaların úyrenbekte

Ózbekstan Respublikası Prezidenti Sh.Mirziyoev ayırıqsha itibarı atalarsha ǵamqorlıǵı nátiyjesinde Qaraqalpaqstan Respublikasına kóplegen jeńillikler menen birge sociallıq infrastrukturada jańalanǵan reformalardı xalqımızǵa elede en jaydırıw maqsetinde Qaraqalpaqstan Respublikası Joqarǵı Keńesiniń Baslıǵı A.Orınbaev basshılıǵında májilis ótkerildi. Májiliste barlıq deputatlarǵa óz kórsetpelerin berip, aymaqlarda xalıq penen ushırasıw arqalı mashqalaların úyreniw kerekligin atap ótti. Bunnan soń, hár bir deputat óz aymaǵınıń turǵınları menen ushırasıp, múrájatlerin tıńladı hám kóp waqıtlar dawamında sheshilmey atırǵan máselelerdi Respublikalıq kólemde kórip shıǵılatuǵınlıǵın xalıqqa keńnen túsindirdi. Sonıń, Prezidentimizdiń Qaraqalpaqstan aymaǵı ushın arnayı qabıl etilgen PF-213-sanlı pármanında keltirilgen jeńillikler haqqında deputatlarımız tárepinen túsindirildi.