28.03.2024, Piyshembi

Qońırat rayonında 90 orınǵa mólsherlengen mektepke shekemgi bilimlendiriw shólkeminiń qurılıs jumısları alıp barılmaqta

Keyingi jılları Qońırat rayonında mektepke shekemgi bilimlendiriw shólkemlerine balalardı qamtıp alıw kórsetkishleri sezilerli dárejede artıp barmaqta. Bunda mektepke shekemgi bilimlendiriw shólkemleriniń materiallıq-texnikalıq bazalarınıń jaqsılanıwı, jańadan qurılǵan shólkem imaratlarında balalar ushın qolay shárayatlar jaratılıwı tiykarǵı sebep bolmaqta.

4-sektor baslıǵı, Qońırat rayonı mámleketlik salıq inspekciyası baslıǵı B.Abatov "Súwenli" APJ aymaǵında qurılısı dawam etip atırǵan, 90 orınǵa mólsherlengen mektepke shekemgi bilimlendiriw shólkeminde bolıp, ámelge asırılıp atırǵan qurılıs jumısları  menen tanıstı.

Qońırat rayonı hákimligi Málimleme xızmeti