29.03.2024, Juma

Qaraózek rayonında suwdı dushshılandırıwshı stanciya iske tústi


«Aral teńizi aymaǵındaǵı qorshaǵan ortalıqtıń unamsız tásirinen jábirlengen awıl xalqınıń ekologiyalıq, ekonomikalıq hám den-sawlıǵın saqlaw tarawındaǵı qáwipsizligin támiyinlew arqalı olardıń turmıs shárayatı múmkinshiliklerin bekkemlew» BMShRB hám YuNFPA Birgeliktegi Baǵdarlaması tiykarında, «Qaraózek» APJ «Qorımlı» awılı hám «Mádeniyat» APJ «Ótegen» awıllarında duzsızlandırıw stanciyasınıń ashılıwı bolıp ótti.

Ashılıw saltanatında rayon hákimi U. Utambetov shıǵıp sóylep, Yaponiya húkimetiniń rayonǵa kórsetilgen járdemleri ushın óz minnetdarshılıǵın bildirdi. 
Bunnan soń, Ózbekstandaǵı Yaponiya Elshixanasınıń birinshi orınbasarı Tae Sato xanım, baǵdarlamanıń tiykarǵı maqseti hám ámelge asırıp atırǵan jumısları boyınsha qısqasha maǵlıwmat berip ótti.



Qaraózek rayonı hákimliginiń Málimleme xızmeti