29.03.2024, Juma

Moynaqtaǵı jergilikli áhmiyetke iye avtomobil jolı asfaltlandı

Respublikamız aymaǵındaǵı mádeniy miyras hám turizm obektlerine alıp barıwshı ulıwma paydalanıwdaǵı avtomobil jollarında ońlaw jumısları júrgizilip atır.

Moynaq rayonı aymaǵındaǵı Sulayman Baqırǵanıy maqbarasına alıp barıwshı 4-N 1 avtomobil jolınıń 0-3 km aralıǵında Moynaq rayonı jollardan paydalanıw unitar kárxanası xizmetshileri tárepinen qurılıs-ońlaw jumısları júrgizilip atırǵan bolıp, asfalt astı grunt jumısları, sheben tósew hám jol qaplaması birigiwine járdem beriwshi arnawlı aralaspa sebiw jumısları alıp barıldı. Kúndelikli ońlaw jumısları sheńberinde asfalt tóseldi.

Asfalt tósew ushın saz jaǵdaydaǵı zárúrli mashina-mexanizmler, sonday-aq, arnawlı qánigeler menen birgelikte jumıslardıń sapalı júrgiziliwi támiynlenip atır. 

Qaraqalpaq Avtojol